Қырҭтәыла аҧыза-министр Иракли Ҕарибашвили Иорданиа аҳашимиттә аҳреи, Ливиеи, Ираҟи иҟоу  Қырҭтәыла ацҳаражәҳәаҩ ҿыц Арчил Ӡулиашвили диҧылеит.

Аиҧылараҿы Қырҭтәылеи Иорданиеи реизыҟазаашьақәа ирылацәажәеит. Иаҵшьны иазгәаҭан Иорданиаҿы Ақырҭуа культура ацентр аргылара аҵакы. Аиҧылара алахәылацәа ишазгәарҭаз ала, Иордан аӡиас аҿы Ақырҭуа культура ацентр аргылара апроект шьақәырҕәҕәан ҵыҧх, ҧхынҷкәын азы, аиҳабыратә комиссиа аилатәараҿы. 

Аиҧылараҿы аҧыза-министр ацҳаражәҳәаҩ ҿыц амаҵзураҭыҧ ҿыц аанкылара идныҳәаланы, наҟ-наҟтәи иусураҿы ақәҿиарақәа изеиҕьеишьеит. 

Арчил Ӡулиашвили Индиатәи ареспубликаҿ Қырҭтәыла ацҳаражәҳәаҩс дыҟан, аамҭакала, абарҭ атәылақәа рҿгьы Қырҭтәыла ацҳаражәҳәаҩс дыҟан: Бангладеш, Таиланд, Непал, Мальдивы, Шри Ланка. Иара убас, Азиеи Аокеан ҭынч арегиони рҿы ЕАР аекономикатәи асоциалтәи комиссиаҿы  (ESCAP) Қырҭтәыла еснагьтәи ахаҭарнакс дыҟан. 

Еиуеиҧшым аамҭақәа рзы адҵа ҷыдақәа рзы ацҳаражәҳәаҩ иҭыҧ ааникылон, Египеттәи араҧтәи республикаҿы Қырҭтәыла ацҳаражәҳәаҩс дыҟан, аамҭакала, ари амаҵзураҭыҧ иаҵанакуан Тунисси, Ливиеи, Сириеи рҿы ацҳаражәҳәара. Араҧтәи алигеи Африкатә еидгылеи рҿы Қырҭтәыла ахаҭарнакс дыҟан. Қувеиҭ аҳәынҭқарреи, Саудтәи Аравиа аҳәынҭқарреи, Баҳреин аҳреи, Катар аҳәынҭқарреи, Оман асултанреи, Иеиду Араҧтәи Емиратқәеи рҿы Қырҭтәыла ацҳаражәҳәарҭа абжьагаҩ еиҳабыс дыҟан; Қырҭтәыла Адәныҟатәи аусқәа рминистрра мрагыларатә аусқәа рзы адепартамент адиректор ихаҭыҧуаҩс аус иуан, анеҩс, - Аглобалтә еизыҟазаашьақәа рзы адепартамент адиректор ихаҭыҧуаҩс дыҟан; Казахстани Ҟиргизтани ареспубликақәа рҿы Қырҭтәыла ацҳаражәҳәарҭа аконсулс аус иуан; Азиеи, Африкеи, Австралиеи, аокеантә тәылақәеи рзы адепартамент Ааигәатә Мрагылареи Африкеи атәылақәа русбарҭа актәи амаӡаныҟәгаҩс, аусбарҭа аиҳабыс, анеҩс - зыӡбахәы ҳәоу адепартамент адиректор ихаҭыҧуаҩс аус иуан; Азиеи, Африкеи, Австралиеи, аокеантә тәылақәеи рзы адепартамент Африкеи Ааигәатә Мрагылареи атәылақәа русбарҭа атташес, иара убас, - актәи амаӡаныҟәгаҩс дыҟан;  2015 шықәсазы ианашьан ззин наӡоу ацҳаражәҳәаҩ ҷыда иреиҳаӡоу адипломатиатә ранг.